“我都試過。”
“You are not alone！
呢篇”我當過小三”的確有令我猶豫應否upload。成為小三並唔係一件風光嘅事，但係箇中辛酸就真係只有當事人先知，而且呢件事已經好耐之前唔想比人追問當事人係邊個。不過，竟然收到好多”同路人”嘅pm...果然大家都曾經好天真好儍 (我好快會同我女朋友分手㗎啦)...哈哈！
當中亦有處於”我唔捨得佢”、”我真係好愛佢”、”你唔明㗎喇”嘅讀者啦。愛情其實都係不離大道理：對嘅關係會令你成長幸福；錯嘅關係只會一直無盡咁消耗自己。我明白凡事如人飲水，冷䁔自知，作為外人亦批評不了。但係我都希望可以做個小小嘅溫馨提示：
你可以義無反顧愛上某個人，甚至為咗佢成為小三與世界為敵，想象一下如果同樣嘅愛同勇氣發生喺對的人身上，成段關係能夠收成正果嘅機會率將會高好多！處於困境糾纏不清，有時比較拖住你未必係對方或者現時處境，而係自己嘅心態。
請問：你打算停留幾耐？這才是關鍵。
時間從來唔等人，仲要用僅餘嘅時間黎等一個唔知幾時有答案嘅結果，唔好咁啦好無？
共勉之。
#我嘅故事陸續有來 #其實真係可以拍齣戲 #唔通我跌到損手爛腳又話你知咩 #為自己而活啦 #女人像鹽
Search